By sanatanjiwan.com
गुरु ज्ञानी आया पांवणा
हालो रे संतो देवरे,
गुरु जम्मो जोवण हालां ।
एक ऊँचो सिंहासन राम रो,
शरणां में शीश नवाया ।
गुरु ज्ञानी आया पांवणा,
केड़ी – केड़ी महिमा करिये ।1।
दातण दिराऊँ काची केळ रा
झारी गंगाजळ लेणा ।
भायां सोवण कुण्डी उजळी,
वां में नावण करणा ।
सतगुरुसा आया पांवणा
केड़ी – केड़ी महिमा करिये ।
गंगाजळ भरियो वाटको,
हरख बधावे लेणा रे ।
सोवन खेत्ती पारखी,
उण में पग मत धरना ।
निर्बल खेती आपणी,
हर भज लावा लेणा
सतगुरुसा आया पांवणा,
केड़ी – केड़ी महिमा करिये ।
गंगाजळ भरियो वाटको,
हरख बधावे लेणा रे ।
गंगाजळ भरियो वाटको,
पग तल पाये लेणा ।
केसर रा करणा छांटणा,
हरख बधावे लेणा रे ।
उस्की आम्बा की गेरी छाया,
उसमें रे ढोलियो ढळाया ।
गुरु हिंगळु पायां रो ढोलियो,
अमर ओसिंगा लेणा
सतगुरुसा आया पांवणा,
केड़ी – केड़ी महिमा करिये
गंगाजळ भरियो वाटको,
हरख बधावे लेणा रे ।
अरे सोवन थाळी ऊजळी,
बां में भोजन करिये ।
गुरु घेवर पुड़ियों लापसी,
माथे धिरत घलीजे ॥
सतगुरुस्ता आया पांवणा
केड़ी – केड़ी महिमा करिये
गंगाजळ भरियो वाटको,
हरख बधावे लेणा रे ।
सोनो कहिजे सोलामो
ओ पीतल भेळ मत कीजे ।
अणदो जी सोनी बोलिया,
सायब साँच पलीजे ॥
सतगुरुस्सा आया पांवणा
केड़ी – केड़ी महिमा करिये
गंगाजळ भरियो वाटको
हरख बधावे लेणा रे ।