करमा में लिखयोडो मिले बाटो
राम थारी नगरी में काई धाटो ।
कोई ने मिले भाई लाडू और पेड़ा।
कोई ने मिले बाजरी आटो।
राम थारी नगरी में काई धाटो ॥।।
कोई ने मिले भाई सिरा रे लापसी।
कोई ने मिले खींच खाटो ।
राम थारी नगरी में काई धाटो ॥ ||
कोई ने मिले भाई गादी और तकिया।
कोई ने मिले गुदड़ फाटो ।
राम थारी नगरी में काई धाटो ॥।
कोई ने मिले भाई हिगलू रे ढोकिया।
कोई ने मिले टूटोड़ो माचो ।
राम थारी नगरी में काई धाटो ॥
राम थारी नगरी में काई धाटो ॥।
कोई ने मिले गाय भैसियाँ ।
कोई ने मिले बकरी रे टाटो ।
मीरा कहे प्रभु गिरधर नागर।
हरि रे भजन में जावे नाटो ।
राम थारी नगरी में काई धाटो ॥