By sanatanjiwan.com .दोहा
प्रेम बिना पावे नहीं, चाहे हुनर करो हजार ।
कहे प्रीतम प्रेम बिना, नहीं मिलतो नंद कुमार ।।
कोनी नुगरा रे वालो काम रो रे,
वीणो बाजे रे सांवरिया थारे नाम रो रे ।।
नाम रो रे मोटा काम रो रे,
वीणो बाजे रे सांवरिया थारे नाम रो रे ।
तंदूरो बाजे रे सांवरिया थारे नाम रो रे ।।
सांवरा नीम री निम्बोली घणी खारी रे,
आम्बो फाटो ने केड़ी कारी रे ।।
सांवरा म्हां पर तलवारां क्यूं ताणी रे,
ताणी क्यूं घाली पाछी म्यान में रे ।
सांवरा संता ने बुलाया घणा मान मां रे,
बातां करे है पराया कान में रे ।।
सांवरा बाई मीरा री सुनलो वीणती रे,
म्हारे भगवान री लजिया राखजो रे ।।